Monday, September 10, 2012

കണ്ണും കണ്ണനും

കണ്ണും കണ്ണനും



'ചരിഞ്ഞു ചാഞ്ഞു വളഞ്ഞിക്കാലടി

നടന്നു നീങ്ങുവതെങ്ങോട്ടാ?'

"ഇറങ്ങുകമ്മേ, ഗോകുലമെല്ലാ-

മൊരുങ്ങിനില്‍പ്പതു കണ്ടില്ലേ?''

'ഇതെന്തു കോലം? കയ്യില്‍ കോലും

മൌലിയിലയ്യാ പീലിയതും?'

"മറന്നുവോ എന്നമ്മേ നീയിതു?

മണിക്കുരുന്നിന്‍ തിരുനാളായ്. . . ''


നിറഞ്ഞു ഗ്രാമം നഗരവുമെല്ലാ,

മമ്പാടിക്കൊരു മത്സരമായ്

അറിഞ്ഞുകേട്ടവരെല്ലാരും പോ-

ന്നണഞ്ഞു മഞ്ഞക്കടലായി

ഉയര്‍ന്നുകേള്‍ക്കുന്നെവിടെയുമിവിടെ-

യുമിനിപ്പുചൊരിയും മൃദുനാദം

മറഞ്ഞുനിന്നാ കാറൊളി വര്‍ണ്ണന്‍ മുഴക്കു-

മോടക്കുഴല്‍ വിളിയാകാം

അടുത്തുവന്നെല്‍ കവിളിലൊരുമ്മയ-

തുതിര്‍ത്തുപോയൊരു കുളിരലയില്‍

തണുപ്പുതോന്നിച്ചയ്യാ കണ്ണന്‍

പീലിയുഴിഞ്ഞൊരു സുഖമാകാം

അകന്നുപോകുന്നെന്നോ കളമൃദു-

നൂപുരരഞ്ജിത മണിനാദം

പിരിഞ്ഞൊടെല്ലേ പൊന്നേ, നീയെന്‍

നിതാന്ത ജീവനരസമല്ലേ….


കാവാലം ശശികുമാര്‍

1 comment:

  1. കൊടും ചൂടില്‍ മോരും വെള്ളം പോലെ . സുഗതയുടെ കാളിയമര്‍ദ്ദന ദ്രുതതാളം.
    നന്ന്.നന്ദി

    ReplyDelete