Wednesday, March 2, 2011

വ്രതരാത്രി



ഇന്നലെ കണ്ടു ഞാന്‍ അമ്പിളിത്തെല്ലിനെ
കുന്നിലെ മാവിന്‍ മറവിലൂടെ
ശംഭുവിന്‍ പുണ്യ ജടാമുടിക്കെട്ടെന്റെ
നെഞ്ചില്‍ തെളിഞ്ഞു വിളങ്ങി വന്നു
കാര്‍ മേഘച്ചിന്തൊന്നു മുന്നില്‍ ചലിക്കവേ
കാകോളമായി നിന്നോര്‍മ തിങ്ങി
കാലകാലന്‍ തന്നെ കാലന്‍ വിഴുങ്ങാതെ
കാത്തൊരാ ദേവിയെന്‍ കണ്‍ നിറച്ചു
ഇന്ന് ഞാന്‍ സംശയിപ്പെന്‍ ദേവ ഞാന്‍ നോറ്റ
നല്‍ ശിവരാത്രി വ്രതം മുറിഞ്ഞോ

No comments:

Post a Comment